மேலும் இரண்டு பல்கலைக்கழக மாணவர்களின் கற்றல் நடவடிக்கைகளுக்கு FEED அமைப்பின் உதவி

Sunday, February 10, 2019

FEED அமைப்பின் பிரதான செயற்பாடுகளில் ஒன்றான, வறுமை காரணமாக கற்றல் நடவடிக்கைகளில் ஈடுபட சிரமப்படுகின்ற, வருமானம் குறைந்த குடும்பங்களில் இருந்து பல்கலைக்கழகங்களுக்கு தெரிவாகியுள்ள மாணவர்களுக்கு உதவி புரியும் திட்டத்தின் கீழ், புதிதாக 02 மாணவர்களுக்கு உதவி வழங்க 2019 ம் ஆண்டு தை மாதம் முதல் நடவடிக்கை எடுக்கப்பட்டுள்ளது.

சம்பூரில் இருந்து தெரிவாகி, யாழ்ப் பல்கலைக்கழக கலைப் பீடத்தில் கல்வி பயிலும் மாணவி ஒருவருக்கு இலண்டனில் வதியும் செல்வன். குணரட்ணம் திவ்வியன் ( வேலணை ) அவர்கள் மூலமும்,

துணுக்காயில் இருந்து தெரிவாகி யாழ்ப் பல்கலைக்கழக கலைப் பீடத்தில் கல்வி பயிலும் மாணவி ஒருவருக்கு இலண்டனில் வதியும் திருமதி. வதனா கதிரவேலு அவர்கள் மூலமும் உதவிகள் வழங்கப்படவுள்ளன.

மாணவர்கள் ஒவ்வொருவருக்கும், மாதாந்த உதவித் தொகையாக ரூ 5,000/- வழங்கப்படவுள்ளன.

உதவிகளைப் பெற்றுக் கொண்ட மாணவர்கள், மற்றும் பெற்றோர் சார்பாக, கல்விப் பொருளாதார அபிவிருத்தி அமைப்பு (FEED ) தனது நன்றிகளை தெரிவித்துக்கொள்கிறது

மேலும்....

வேரவில் இந்துக் கல்லூரியின், நீர்விநியோகக் கட்டமைப்புக்கான ஆரம்பக் கட்ட நிதி கையளிப்பு


பூநகரி பிரதேசத்தின் வேரவில் கிராமத்தின் இந்துக்கல்லூரி சமூகத்தினர், எமது அமைப்பிடம் விடுத்த வேண்டுகோளின் அடிப்படையில், கோடைகாலத்தின் மிகவும் அத்தியாவசியமான தேவையாக உள்ள,நீர்த் தேவைக்கான விநியோகக் கட்டமைப்பு ஏற்படுத்திக் கொடுக்க உறுதி அளிக்கப்பட்டிருந்தது.

இதற்கான நிதியினை, LONDON 'தாய்' குழுமத்தின் நிர்வாக இயக்குனர் திரு. பாஸ்கரன் பார்த்தீபன் அவர்கள் வழங்குகிறார்.

முதற்கட்ட நிதியாக, ரூ 50,000/- மானது FEEDஅமைப்பின் செயலாளர் ஐ. யசோதரன் அவர்களால், பாடசாலை அதிபர் அவர்களிடம் கையளிக்கப்பட்டிருந்தது.


மேலும்....

வறுமை காரணமாக பாதிக்கப்பட்ட செட்டிக்குளம், கந்தசாமிநகர் மாணவர்களுக்கு FEED அமைப்பின் நிவாரணப் பணி

போரினால் பாதிக்கப்பட்ட பிரதேசங்களில், மாணவர்களின் கல்விச் செயற்பாடுகள் தடையின்றி முன்னெடுக்கப்படும் வகையில், கற்றலுக்கான உதவிகளை வழங்கும் செயற்திட்டத்தினை, கல்வி, பொருளாதார அபிவிருத்தி அமைப்பு (FEED) அவ்வப்போது, சம்பந்தப்பட்ட கிராம மக்கள் சார்ந்த அமைப்புகளின் கோரிக்கைகளுக்கேற்ப செயற்படுத்தி வருகிறது. 

இதன் பிரகாரம் 12.01.2018 அன்று வவுனியா மாவட்டத்தில், வறுமையால் பாதிக்கப்பட்ட கந்தசாமிநகர் கிராமத்தின் 33 மாணவர்களுக்கு, கந்தசாமிநகர் மாதர் கிராம அபிவிருத்திச் சங்கத்தின் வேண்டுகோளுக்கிணங்க, கற்றல் உபகரணங்கள் வழங்கி வைக்கப்பட்டுள்ளன.

நிகழ்வில் FEED அமைப்பின் செயலாளர் ஐ. யசோதரன் மற்றும் பொருளாளர் இ. தயாபரன், மாதர் கிராம அபிவிருத்திச் சங்க உறுப்பினர்கள்,  சமூக ஆர்வலர்கள் திரு. வே. குகதாசன், திரு.த. யோகராஜா, திரு.இந்திரமூர்த்தி ஆகியோரும் கலந்து கொண்டிருந்தனர்.

மேலும்....

வெள்ளம் மற்றும் வறுமை காரணமாக பாதிக்கப்பட்ட கிளிநொச்சி, செல்வாநகர் மாணவர்களுக்கு FEED அமைப்பின் நிவாரணப் பணி

கடந்த மாத இறுதியில் வடக்கில் ஏற்பட்ட வெள்ளப் பெருக்கு காரணமாக பாதிக்கப்பட்ட பிரதேசங்களில், அனர்த்தங்கள் காரணமாக பாதிக்கப்பட்ட மாணவர்களின் கல்விச் செயற்பாடுகள் தடையின்றி முன்னெடுக்கப்படும் வகையில், கற்றலுக்கான உதவிகளை வழங்கும் செயற்திட்டத்தினை, கடந்த 05.01.2019 கல்வி, பொருளாதார அபிவிருத்தி அமைப்பு (FEED) ஆரம்பித்து வைத்திருந்தது. 

அதன் முதலாம் கட்டமாக முல்லைத்தீவு மாவட்டத்தின் கருநாட்டுக்கேணிக் கிராமத்திற்கும், இரண்டாம் கட்டமாக, முள்ளிவாய்க்கால் மேற்குப் பிரதேசத்தைச் சேர்ந்தவர்களுக்கும் கற்றல் தேவைக்கான உதவிகள் வழங்கப்பட்டுள்ளன. அத்துடன் அப் பிரதேசத்தில் பாதிக்கப்பட்ட மக்களுக்கு உடைகளும் வழங்கி வைக்கப்பட்டிருந்தன.

இச் செயற்திட்டத்தின் தொடர்ச்சியாக 22.01.2018 அன்று கிளிநொச்சி மாவட்டத்தில் வறுமையாலும், வெள்ளத்தாலும் பாதிக்கப்பட்ட செல்வா நகர் கிராமத்தின் அரசினர் தமிழ்க் கலவன் பாடசாலையின் 255 மாணவர்களுக்கு ரூ 130,000/- பெறுமதியான கற்றல் உபகரணங்கள் வழங்கி வைக்கப்பட்டுள்ளன.

பாடசாலை அதிபர் திரு. கேதீஸ்வரன் தலைமையில் இடம்பெற்ற நிகழ்வில் FEED அமைப்பின் செயலாளர் ஐ. யசோதரன் மற்றும் பொருளாளர் இ. தயாபரன், FEED அமைப்பின் செயற்பாட்டாளர் திரு. சசிக்குமார் ( கனடா ) ஆகியோருடன் கிராம அபிவிருத்திச் சங்க தலைவர் திரு. ஹரிகரன், கிராம அலுவலர் திரு. எஸ். சுகந்தன், மகளிர் கிராம அபிவிருத்திச் சங்க தலைவர் திருமதி. ஆனந்தராசா, இணக்கசபை உறுப்பினரும் ஓய்வுநிலை கிராம அலுவலருமான திரு. ஆனந்தராசா, சமூக ஆர்வலர்கள் திரு. சிவபாலசுப்ரமணியம்,, திரு. மோகனபிரியன், திரு. பிரியந்தன், திரு. பேரழகன் ஆகியோரும் கலந்து கொண்டிருந்தனர்.

நிகழ்வின் இறுதியில், மாணவர்கள் சார்பில் மாணவி பிரதிஷ்டா நன்றிகளை தெரிவித்துக் கொண்டார்.

1985 ம் ஆண்டு, இன வன்செயல் காரணமாக உரிரிழந்த, அமரர் செல்லப்பா கனகரட்ணம் அவர்களின் 34ம் வருட நினைவாக, தற்போது கனடா, ரொரன்ரோவில் வதியும் கோண்டாவில் மேற்கைச் சேர்ந்த க. பரமேஸ்வரி, கலாதரன், கோணேஸ், சசி, கௌசி ஆகியோர் வழங்கியிருந்த நிதியின்மூலம் மேற்படி கற்றல் உபகரணங்கள் வழங்கப்பட்டிருந்தன.

மேலும்....

FEED அமைப்பின் வெள்ள நிவாரணம்


கடந்த மாத இறுதியில் வடக்கில் ஏற்பட்ட வெள்ளப் பெருக்கு காரணமாக பாதிக்கப்பட்ட பிரதேசங்களில், அனர்த்தங்கள் காரணமாக பாதிக்கப்பட்ட மாணவர்களின் கல்விச் செயற்பாடுகள் தடையின்றி முன்னெடுக்கப்படும் வகையில், கற்றலுக்கான உதவிகளை வழங்கும் செயற்திட்டத்தினை, கடந்த 05.01.2019 கல்வி, பொருளாதார அபிவிருத்தி அமைப்பு (FEED) ஆரம்பித்து வைத்துள்ளது. 

அதன் இரண்டாம் கட்டமாக, முல்லைத்தீவு மாவட்டத்தின் முள்ளிவாய்க்கால் மேற்குப் பிரதேசத்தைச் சேர்ந்தவர்களுக்கு கற்றல் தேவைக்கான உதவிகள் வழங்கப்பட்டுள்ளன. அத்துடன் அப் பிரதேசத்தில் பாதிக்கப்பட்ட மக்களுக்கு உடைகளும் வழங்கி வைக்கப்பட்டுள்ளன.

வெள்ள நிவாரண நிதிக்காக, கனடாவில் இருந்து, H. சஜந்தினி, K. மங்களேஸ்வரன், K. சிறீதர், T. மாலினி, K. சிம்ஹராஜ் ஆகியோரும் பிரான்ஸிலிருந்து எட்மண்ட் பவிலுப்பிள்ளை அவர்களும் கொழும்பில் இருந்து K. தியாகராஜா அவர்களும் பங்களிப்பினை வழங்கியிருந்தனர்.

முள்ளிவாய்க்கால் மேற்கு கனிஷ்ட உயர்தர பாடசாலையில் இடம்பெற்ற நிகழ்வில், 100 வரையிலான மாணவர்களுக்கு கற்றல் உபகரணங்களும் கிராமத்தவர்களுக்கு  உடைகளும் வழங்கப்பட்டன. இந் நிகழ்வில், FEED அமைப்பின் செயலாளர் ஐ. யசோதரன் மற்றும் பொருளாளர் இ. தயாபரன், FEED அமைபின் செயற்பாட்டாளர் திரு. சசி ( கனடா ) ஆகியோருடன் FEED அமைப்பின் பிராந்திய இணைப்பாளர் திரு. நகுலன், பாடசாலை அதிபர் திரு. கங்கநாதன், கிராம அபிவிருத்திச் சங்க தலைவர் திசவீரசிங்கம், சமூக ஆர்வலர்கள் திரு. மோகனபிரியன், திரு. பிரியந்தன், ஆசிரியர்கள் செல்வராணி, ரமா  பொதுமக்களும் கலந்து கொண்டிருந்தனர்.

மேலும்....

முன்பள்ளிகளிலிருந்து ஆரம்ப பாடசாலைக்குச் செல்லும் மாணவர்களுக்கு, கற்றல் உபகரணங்கள் வழங்கும் செயற்திட்டத்தின் இறுதி நிகழ்வு -10 ( முல்லைத்தீவு, செம்மலை சரிதா முன்பள்ளி )

வருடாந்தம், கல்வி பொருளாதார அபிவிருத்தி அமைப்பு (FEED) முன்னெடுத்து வருகின்ற, தான் அனுசரணை வழங்குகின்ற முன்பள்ளிகளில் இருந்து ஆரம்பப் பாடசாலைக்கு (ஆண்டு 01) செல்லும் மாணவர்களுக்கு,  கற்றல் உபகரணங்கள் அனைத்தையும் வழங்கும் செயற்திட்டத்தினை கடந்த ஆண்டு கார்த்திகை மாதம் 24 ம் திகதி ஆரம்பித்திருந்தது.

அச் செயற்திட்டத்தின் இறுதி நிகழ்வாக, முல்லைத்தீவு மாவட்டத்தின் கரைதுறைப்பற்று பிரதேச செயலகப் பிரிவின் செம்மலை கிராமத்தில்  அமைந்துள்ள சரிதா முன்பள்ளியின் 14 மாணவர்களுக்கு கற்றல் உபகரணங்கள் வழங்கி வைக்கப்பட்டுள்ளன. 

முன்பள்ளி ஆசிரியைகள் திருமதி. ஆர். இறஞ்சனி மற்றும் திருமதி. மணிமேகலை தலைமையில் இடம்பெற்ற நிகழ்வில் FEED அமைப்பின் செயலாளர் ஐ. யசோதரன், முன்பள்ளிகளின் பிராந்திய மேற்பார்வை அதிபர், பனை, தென்னை வள கூட்டுறவு சங்க மேலாளர், ஊட்டப் பாடசாலை அதிபர் மற்றும் ஆசிரியர்கள், ஏனைய முன்பள்ளி ஆசிரியைகள், பாடசாலை ஆசிரியர்கள், பெற்றோர்கள் கலந்து சிறப்பித்திருந்தனர். 

மேலும், நீண்டகாலத்திற்கு முன்பே பாடசாலைக்கென குழாய்க் கிணறு அமைக்கப்பட்டிருந்தபோதிலும், பாடசாலைக் கட்டிடத்திற்கான நீர் விநியோக வசதி எற்படுத்திக்கொடுக்காமையினால், மாணவர்களுக்கு ஏற்பட்டிருந்த அசௌகரிய நிலையை கருத்திற்கொண்டு, நீர் விநியோக வசதியும் புதிதாக ஏற்படுத்திக் கொடுக்கப்பட்டுள்ளது.
மேலும்....

க.போ.த உயர்தர பரீட்சையில் திறமை சித்தி

திருகோணமலை வடமேற்கே மொரவேவா பிரதேசத்தில் அமைந்துள்ள எல்லைகிராமமான நொச்சிக்குளத்தில் வாழும் மாணவி தனுசியா குருசாமி பல மாதங்களாக கடும் சுகவீனப்பட்டிருந்து ஓரளவு தேறி குணமடைந்த நிலையில் க.போ.த உயர்தர பரீட்சையில் திறமை சித்தி பெற்றுள்ளது.பலரது பாரட்டை பெற்றுள்ளது.

முதன் முறையாக இக்கிராமத்தில் வாழும் இம்மாணவியே அதிகப்படியான சித்திகளை( 3B) பெற்ற பெருமையையும் தன்வசமாக்கியுள்ளார். தனுசியா விற்கு FEED அமைப்பினர் 10,000 ரூபா பரிசாக கொடுத்து கெளரவிக்கப்பட்டார்.
மேலும்....

நிறுவனத்தின் செயற்பாடுகள்

வடமாகாணம்

கிழக்கு மாகாணம்

கல்வி

அறிவித்தல்கள்

செயற்படும் பிரதேசங்கள்

செயற்திட்டங்கள்

ஆவணங்கள்

 
Support : Copyright © 2016. FEED Sri Lanka ( Non Profitable Organization ) - All Rights Reserved
Site Designed by Creating Website Inspired Support
Proudly powered by SLTNN